Sa nakalipas na taon, sinikap po nating iangkop ang ating panunungkulan sa hugis na nais ni Erpat. Natural lamang po ito sapagkat ang mga programa ng pamahalaan ay nakadisensyo at pinondohan ayon sa prayoridad ng pamahalaan na Pinangunahan ni Mayor Roming.

Ang Executive Legislative Agenda po ng ating bayan hanggang sa sana’y matapos ang termino ni Mayor Roming ay ayon sa kanyang prayoridad. Mahalaga pong malaman ng bayan na ang mga nasimulan ni Erpat sa loob ng isa at kalahating taon ay ating ipinagpatuloy at itinawid hanggang sa matapos ng matagumpay.